༄༅། །སྤྱི་ལོ་ ༢༠༢༥ ཟླ་བ་ ༠༤ ཚེས་ ༡༤ ཉིན་གསང་ཆེན་དཔལ་ལྡན་སྨད་རྒྱུད་གྲྭ་ཚང་དུ་སྐྱབས་རྗེ་མཁན་རིན་པོ་ཆེ་མཆོག་དབུ་བཞུགས་ཀྱིས་སྐྱབས་གནས་འདུས་པ་རྒྱ་མཚོ་ཡོངས་ནས་༧སྐྱབས་རྗེ་བླ་མ་སྐྱབས་རྗེ་བླ་མ་ཐུབ་བསྟན་བཟོད་པ་རིན་པོ་ཆེ་མཆོག་དགོངས་པ་གཞན་དོན་དུ་གཤེགས་ནས་ལོ་གཉིས་འཁོར་བའི་དགོངས་རྫོགས་མཆོད་འབུལ་གནང་། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༤།༡༤།ལ།
༄༅། །བོད་ཤིང་སྦྲུལ་སྤྱི་ལོ་༢༠༢༥ ལོའི་ནང་དཔལ་ལྡན་སྨད་གྲྭ་ཚང་དུ་གདན་ས་ཁག་ནས་གསང་སྔགས་སློབ་གཉེར་དང་ཉམས་བཞེས་ཀྱི་དོན་གཉེར་ཅན་ཞལ་གྲངས་༡༨༠ ཆོས་ཞུགས་གནང་ཞིང་། གྲྭ་ཚང་གི་འཇུག་སྒོ་དང་པོ་དང་འབྲེལ་བའི་སྒྲིགས་ལམ་ཕྱག་སྲོལ། མཁན་བླ་གསར་མཇལ་བཅས་ཀྱི་བྱེད་སྒོ་ཁག་ལེགས་པར་གྲུབ་སྟེ་ལོ་འདིའི་ཆོས་ཕྱོགས་ཀྱི་རིམ་པ་སྣེ་མང་གི་དབུ་ཚུགས་སོ། །རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༤།༠༥།ལ།
༄༅། །ས་གནས་ཀ་ཎེཀ་ཀྲི་ཀཊ་གནས་བཞུགས་རྒྱ་ཆེན་མང་ཚོགས་རྣམས་ལ་ཆེད་ཞུ། སྤྱི་ལོ་ ༢༠༢༥ སྤྱི་ཟླ་ ༢ པའི་ཚེས་ ༢༥ རེས་གཟའ་མིག་དམར་དགོང་དྲོའི་ཆུ་ཚོད་ ༦:༠༠ པ་ནས་ ༨:༠༠ ཐོག་དཔལ་ལྡན་རྒྱུད་སྨད་གྲྭ་ཚང་གི་དགེ་འདུན་པ་རྣམས་ནས་ལོ་རྙིང་པ་ཕར་ལ་སྐྱེལ་མ་དང་། ལོ་གསར་པའི་ནང་ ༧གོང་ས་རྒྱལ་བ་རིན་པོ་ཆེས་གཙོས་པའི་ཆོས་བརྒྱུད་ཁག་གི་བླ་ཆེན་རྣམས་ཀྱི་སྐུ་བགེགས་ཚད་མ་ཞི་བ་དང་། ཁྱེད་རྣམས་པའི་བྱ་བ་ལོ་འགྲོ་ཡོང་བ། བཀྲ་མི་ཤིས་པའི་བར་ཆད་བཟློག་ཆེད་དུ་བརྒྱ་བཞིའི་ཆོ་ག་གཏོང་རྒྱུ་ཞེས་གསལ་བསྒྲགས་སྔོན་སོང་ལྟར་བསྒྲུབས་མུས་ལ། སྤྱི་ཟླ་ ༢ ཚེས་ ༢༧ ཉིན་ས་གནས་ཀེ་ནི་ཏྲི་ཀ་ལ་གནས་བཞུགས་རྒྱུད་ཟུར་རྣམས་ལ་ཐུགས་རྗེ་ལེགས་གསོལ་གྱ་ཕྱག་རྟགས་ཆུང་ངུ་རེ་ཕུལ། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༢།༢༧།ལ།
༄༅། །བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་རྒྱལ་བའི་དབང་པོ་མཆོག་གི་སྐུའི་གཅེན་པོ་བཀའ་བློན་ཁྲི་ཟུར་ལྷ་སྲས་རྒྱ་ལོ་དོན་གྲུབ་མཆོག་སྐུ་ཚེ་འཕེན་པ་རྫོགས་པའི་ཡིད་སྐྱོའི་གནས་ཚུལ་བྱུང་བར། སྤྱི་ལོ་ ༢༠༢༥ ཟླ་ ༠༢ ཚེས་ ༡༡ ཉིན་དཔལ་ལྡན་སྨད་རྒྱུད་གྲྭ་ཚང་དུ་དཔལ་ལྡན་དགའ་ལྡན་ཕོ་བྲང་གིས་གོ་སྒྲིག་འོག་གྲྭ་ཚང་གི་སྐྱབས་རྗེ་མཁན་རིན་པོ་ཆེ་དབུ་བཞུགས་ཐོག་འདུས་པ་རྒྱ་མཚོ་ཡོངས་ནས་སྐུ་ངོ་དམ་པ་མཆོག་གི་ཆེད་དུ་མཆོད་འབུལ་སྨོན་ལམ་རྒྱ་ཆེན་གནང་། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༢།༡༡།ལ།
༄༅། །དཔལ་ལྡན་སྨད་རྒྱུད་གྲྭ་ཚང་མདོ་སྔགས་བཤད་སྒྲུབ་སློབ་གཉེར་ཁང་གི་སྤྱི་ལོ་༢༠༢༤ ལོའི་ལོ་འཁོར་རྒྱུགས་སྤྲོད་ཆེན་མོ་ཉིན་ལྔ་པའི་སྔ་དྲོར། སྔགས་རམས་པའི་དམ་བཅའ་ཚོགས། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༢།༠༣།ལ།
༄༅། །གསང་ཆེན་རིག་པ་འཛིན་པའི་འདུས་སྡེ་དཔལ་ལྡན་སྨད་རྒྱུད་གྲྭ་ཚང་གི་སྐྱབས་རྗེ་མཁན་བླ་རྣམ་གཉིས་དབུས། སྐྱབས་གནས་འདུས་པ་རྒྱ་མཚོའི་དབུས་སུ་གྲྭ་ཚང་འདིར་ཆོས་སྒོར་ཞུགས་ཏེ་བསླབ་པ་སློབ་གཉེར་མཐར་སོན་ཏེ་དགེ་བཤེས་སྔགས་རམས་པའི་དམ་བཅའ་མཛད་སྒོ་དང་། གདན་ས་ཁག་ནས་ཕེབས་པའི་དགེ་བཤེས་རྣམ་པའི་གསང་སྔགས་རྩོད་རྒྱུགས་ཀྱི་ཕྱག་ཁྱེར་ལེགས་གསོལ་འབུལ་གནང་མཛད། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༢།༠༣།ལ།
༄༅། །དཔལ་ལྡན་སྨད་རྒྱུད་གྲྭ་ཚང་མདོ་སྔགས་བཤད་སྒྲུབ་སློབ་གཉེར་ཁང་གི་སྤྱི་ལོ་༢༠༢༤ ལོའི་ལོ་འཁོར་རྒྱུགས་སྤྲོད་ཆེན་མོ་དབུ་ཚུགས། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༡།༣༠།ལ།
༄༅། །འདི་ཕྱིའི་ལེགས་ཚོགས་ལ་དམིགས་ཏེ་ཕྱོགས་དང་མཐའ་ནས་འདུས་པའི་དཔལ་ལྡན་སྨད་རྒྱུད་གྲྭ་ཚང་གི་གྲྭ་གཞོན་བློ་ལྡན་དོན་གཉེར་ཅན་རྣམས་ནས། སྲིད་ཞིའི་དགེ་ལེགས་ཀུན་འབྱུང་ཚང་ལ་མ་ནོར་བའི་རྒྱལ་བསྟན་རིན་པོ་ཆེ་ལ་འཆད་རྩོད་རྩོམ་གསུམ་དང་ཐོས་བསམ་སྒོམ་གསུམ་གྱི་ལས་ལ་བརྩོན་གནང་མཛད་བཞིན་བཞུགས་སོ། །རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༡།༡༣།ལ།
༄༅། །ལྷོ་ཕྱོགས་གསང་ཆེན་རྒྱུད་སྨད་གྲྭ་ཚང་དུ་གདན་ས་ཁག་ནས་ཆེད་ཕེབས་ཀྱི་ཆོས་ཐོག་འཁོར་བཞིན་པའི་དགེ་བཤེས་རྣམས་དང་། གྲྭ་ཚང་གི་སློབ་གཉེར་བ་སོགས་མཉམ་ཞུགས་ཀྱིས་གཙོ་བོར་རྗེ་བཙུན་ཤེས་རབ་སེང་གེའི་གསུང་དཔལ་གསང་བ་འདུས་པའི་རྒྱུད་ཀྱི་ཊཱིཀྐ་ཆེན་མོའི་སློབ་གཉེར་གྱི་ཆེད་དུ་ཊཱིཀྐའི་དགུན་ཆོས་ཆེན་མོ་ཚོགས་མུས་ལྟར། སྤྱི་ལོ་ ༢༠༢༥ ལོའི་ཟླ་ ༡ ཚེས་ ༡༣ ཉིན་མཁན་བླ་འདུས་མང་ཡོངས་མཉམ་བཞུགས་ཀྱིས་རྒྱུད་ཀྱི་ཊཱིཀྐའི་དགུན་ཆོས་ཆེན་མོ་སྐབས་བཞི་པའི་ཉིན་མཐའ་མ་མཚན་ཕུད་དམ་བཅའ་ཆེན་མོ་ཚོགས་སོང་། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༡།༡༣།ལ།
༄༅། །༢༠༢༥/༠༡/༠༣ ནས་ཉིན་གཉིས་རིང་དཔལ་ལྡན་སྨད་རྒྱུད་པའི་ལོ་རེའི་ཕྱྭ་གཡང་འགུག་ཆོག་སྔར་རྒྱུན་སྐྱོང་བ། ད་ལོའི་གཡང་འགུགས་གནོད་སྦྱིན་དབུལ་ཕོངས་སེལ་མཛད་རྣམ་ཐོས་བུ་ངལ་བསོས་པོ་གཙོར་བྱས་མགོན་དཀར་ཡིད་བཞིན་ནོར་བདག་དང་། གཡང་བདག་མོ་སྨན་མཆེད་ལྔ་དང་བཅས་པའི་སྒོ་ནས་སྨིན་སྒྲུབ་ལེགས་གྲུབ་ཞུས། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༡།༡༣།ལ།
