དཔལ་ལྡན་སྨད་རྒྱུད་གྲྭ་ཚང་གི་གངས་ཅན་རིག་གནས་སློབ་གྲྭ་རུ་རང་རེའི་བོད་རིགས་སློབ་གྲྭ་ཁག་གི་དབྱར་ཁའི་གུང་སེང་དང་སྟབས་བསྟུན་ཏེ་སློབ་ཕྲུག་རྣམས་ལ་ནང་ཆོས་དང་སྐད་ཡིག་སོགས་ཀྱི་ཟླ་གཅིག་ཟབ་སྦྱོང་དབུ་འཛུགས་གནང་སོང་།
དཔལ་ལྡན་སྨད་རྒྱུད་གྲྭ་ཚང་གི་གངས་ཅན་རིག་གནས་སློབ་གྲྭ་རུ་རང་རེའི་བོད་རིགས་སློབ་གྲྭ་ཁག་གི་དབྱར་དང་། དགུན་གྱི་གུང་སེང་དང་སྟབས་བསྟུན་ཏེ་སློབ་ཕྲུག་རྣམས་ལ་ནང་ཆོས་དང་སྐད་ཡིག་སོགས་ཀྱི་ཟླ་གཅིག་གི་ཟབ་སྦྱོང་སྤྲོད་མུས་ཡིན་པ་ལྟར། སྤྱི་ལོ་ ༢༠༢༤ སྤྱི་ཟླ་ ༠༥ ཚེས་ ༡༠ ཉིན་རྒྱུད་སྨད་གངས་ཅན་རིག་གནས་སློབ་གྲྭ་རུ། སཾ་བྷོ་ཊ་ཀོ་ལེ་གྷལ་དོན་ལྡན་གླིང་དང་ཧུན་སུར་རབ་རྒྱས་གླིང་བཅས་ཀྱི་སློབ་ཕྲུག་རྣམས་ལ་བོད་ཀྱི་ཆོས་དང་རིག་གཞུང་གི་དབྱར་ཚོགས་ཐེངས་བཅུ་གཉིས་པ་དབུ་འཛུགས་གནང་ཡོད་པ་དང་།
སྤྱི་ལོ་ ༢༠༢༤ ཟླ་ ༥ ཚེས་ ༢༢ ཉིན་སཾ་བྷོ་ཊ་ཀོ་ལེ་གྷལ་དོན་ལྡན་གླིང་དང་ཧུན་སུར་རབ་གླིང་སློབ་གྲྭ་གཉིས་ཀྱི་སློབ་ཕྲུག་རྣམས་སྦེལ་ཀོབ་ཏུ་ཤེས་ཡོན་སྐོར་བསྐྱོད་དུ་ཁྲིད་གནང་འདུག །
