ལོ་རེ་བཞིན་དུ་རྒྱུད་འགྲེལ་གཉིས་ཀྱི་འཆད་ཉན་ཐོག་མར་དབུ་འཛུགས་གནང་བ་ལ་བླ་མ་རྒྱུད་མཆོད་བྱ་དགོས་ཤིང་། དེ་ཡང་སྔོན་གྱི་བྱུང་བ་ལས་སྟོན་པ་རྡོ་རྗེ་འཆང་དཀྱིལ་འཁོར་ཆེན་པོའི་དབུས་སུ་བཞུགས་པ་ལ་འཁོར་གྱི་ལྷ་ཚོགས་རྣམས་ཀྱིས་འདུས་པ་བཤད་པར་གསོལ་བ་ལན་གསུམ་བཏབ་པ་ལས་རྒྱུད་གསུངས་ཡིན་ལ། དེ་བཞིན་དུ་རྗེས་འཇུག་གདུལ་བྱའི་ཉམས་ལེན་གྱི་དབང་དུ་བྱས་ནས། ཚོགས་ཡོངས་ནས་ཐོག་མར་བདག་བསྐྱེད་ཉེར་བསྡུ་དང་བཅས་པ་བཏང་ནས། མདུན་བསྐྱེད་འགོར་རྡོ་རྗེ་སློབ་དཔོན་སྤོས་སྣེ་དང་བཅས་པས་གདན་དྲངས་ནས་བཞུགས་ཁྲི་ལ་འཁོད།
བོད་ཟླ་གཉིས་པའི་ཚེས་ཤར་ནས་འཕན་པོ་ཞོག་ཆོས་ཐོག་གི་དུས་སུ་མཁན་པོ་གསར་བཞེངས་ཡིན་ན་རང་གིས་དགོངས་གཅོད་ཀྱིས་ཚེས་དྲུག་གི་གོང་ཚེས་ཆ་གང་བཟང་ཞིག་ལ་བླ་མ་རྒྱུད་མཆོད་མཛད་ནས་འགྲེལ་པ་བཞི་སྦྲགས་འཆད་པའི་དབུ་འདི་ནས་འཛུགས་དགོས་པ་ཡིན་ལ། བོད་ཟླ་གཉིས་པའི་ཚེས་བཅུ་གཉིས་ཀྱི་ཉིན་བླ་མ་རྒྱུད་མཆོད་སྒྲིག་ཡིག་ཆེན་མོ་ལྟར་གནང་ཞིང་། བླ་མ་གསར་བཞེངས་ཀྱི་ལོ་མིན་ན་ཚེས་དྲུག་གི་བསླབ་གྲལ་ནས་རྒྱུད་འགྲེལ་བཤད་པ། རྒྱུད་ཊཱིཀ་ལེའུ་དང་པོ་དང་གསང་བ་འདུས་པའི་བསྐྱེད་རིམ་བརྩི་བཞག་རྣམས་དབུ་འཛུགས་དགོས།
རྗེ་བཙུན་ཤེས་རབ་སེང་གེ་དེ་ཉིད་ཀྱིས་རྒྱུད་ཀྱི་འཆད་ཉན་མཛད་པའི་བཤད་གྲྭ་གསར་འཛུགས་གནང་བས་གསང་ཆེན་རྒྱུད་ཀྱི་རྒྱལ་པོའི་ལམ་གྱི་རྣམ་གཞག་རྗེ་བླ་མའི་བཞེད་སྲོལ་ཐུན་མོང་མ་ཡིན་པའི་རྒྱུན་རྒྱ་ཆེེར་སྤེལ་ཏེ། མདོ་སྔགས་ཟུང་འབྲེལ་གྱི་བསྟན་པ་རིན་པོ་ཆེ་དར་ཞིང་རྒྱས་པར་མཛད་པ་དང་། རྗེ་ཤེས་རབ་སེང་གེ་ཉིད་རྗེ་བདག་ཉིད་ཆེན་པོ་སྐུ་གཤེགས་ནས་ལོ་ཉེར་ལྔའི་རིང་གཙང་ཡས་མས་སུ་ལན་མང་དུ་ཕེབས་བཞུད་གནང་ཞིང་། དབུས་སུ་དགེ་ལྡན་དང་གནམ་རྩེ་ལྡེང་སོགས་ཕྱོགས་དང་ཕྱོགས་སུ་བྱ་བྲལ་དང་། འཆད་ཉན་འཕེལ་བར་མཛད་པ་དང་།
Postal Address: Gyudmed Tantric University Society, P.O. Gurupura, Hunsur Taluk, Distt Mysore, State Karnataka,Pine 571105, India.
Email Id: gyudmedtantricuniversity@gmail.com, Website: www.https://gyudmedtantricuniversity.org
Contact No: Krt +91 0822 246165 (Tibetan Language)