༄༅། །གསང་ཆེན་དཔལ་ལྡན་སྨད་རྒྱུད་གྲྭ་ཚང་གི་ཐུན་མོང་མ་ཡིན་པ་རྡུལ་ཚོན་དཀྱིལ་འཁོར་དང་འབྲེལ་དཔལ་རྡོ་རྗེ་འཇིགས་བྱེད་ཆེན་མོའི་ཆོས་ཐོག་ཆེན་མོ་ཚོགས་པ་དང་བསྟུན། སྨད་རྒྱུད་པའི་དགེ་འདུན་བགྲེས་གྲས་ ༣༣ གི་བཞུགས་ཤག་ཐོག་བརྩེགས་གསུམ་ལྡན་འདི་བཞིན་སྨད་རྒྱུད་མཁན་རིན་པོ་ཆེ་རྗེ་བཙུན་ངག་དབང་སངས་རྒྱས་མཆོག་གིས་དགེ་སྐུལ་མཛད་འབྲས་དད་ལྡན་ཚོགས་གཙོ་སྐུ་ཞབས་ Sir Filippo Scianna ཡིས་དབུ་འཁྲིད་པའི་ཨེ་ཊ་ལི་ནང་པའི་མཐུན་ཚོགས་ UBI ནས་རྒྱུ་ཡོན་སྦྱར་ཏེ། སྔགས་རམས་པ་བློ་བཟང་ཕུར་བུ་ཅན་ཕྱག་མཛོད་སྐབས་ཉེར་གཅིག་པའི་དུས་ལེགས་གྲུབ་ཀྱིས་སྤྱི་ལོ་ ༢༠༢༤ ཟླ་བ་ ༡༡ཚེས་ ༡༠ ཉིན་འདུས་མང་གིས་རབ་གནས་མཛད་ཅིང་མཁན་རིན་པོ་ཆེ་རྗེ་བཙུན་ངག་དབང་སངས་རྒྱས་མཆོག་དང་ཚོགས་གཙོ། Sir Filippo Scianna ནས་དབུ་འབྱེད་བསྐྱངས་གནང་མཛད། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༡༡།༡༠།ལ།
༄༅། །སྤྱི་ལོ་ ༢༠༢༥ ཟླ་ ༢ ཚེས་ ༡༦ ཉིན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གདན་ས་བཀྲ་ཤིས་ལྷུན་པོ་ནས་ཕེབས་ཐོན་གྱིས་དཔལ་ལྡན་གསང་ཆེན་སྨད་རྒྱུད་གྲྭ་ཚང་ལ་ཞབས་སོར་འཁོད་དེ་ཕེབས་གདོང་མཛད་སྒོའི་ཐོག་བཀའ་སློབ་སྩལ་གནང་མཛད། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༥།༠༢།༡༦།ལ།
སེ་ར་ཆོས་སྡིངས། སེ་ར་དགོན་པའི་ཤར་ངོས་རི་སྟེང་དུ་ཡོད། རྗེ་ཙོང་ཁ་པའི་སྒྲུབ་ཁང་ཡིན། རྗེ་ཙོང་ཁ་པས་དབུ་མ་རྩ་ཤེའི་ཊཱིཀ་ཆེན་སོགས་གསུང་ས་ཡང་དེ་གར་ཡིན། སེ་ར་བསམ་བློ་དང༌། སེ་ར་ཆོས་སྡིངས་གཉིས་སུ། བོད་ཟླ་བདུན་པའི་ཚེས་ ༡ ནས་ཉིན་གྲངས་བཅོ་ལྔ་ཙམ་གྱི་རིང་ལ། རྒྱུད་སྨད་མཁན་རིན་པོ་ཆེས་འགྲེལ་པ་བཞི་སྦྲགས་ཀྱི་བཀའ་ཁྲིད་དང། ཊཱིཀྐ་ལེའུ་དང་པོ་དང༌། གསང་འདུས་བསྐྱེད་རིམ་ཡང་ཆོས་ཐོག་འདིར་མཇུག་བསྒྲིལ་གནང་དགོས།
ཚལ་ཆོས་ཐོག་ནི་བོད་ཟླ་དྲུག་པའི་ཚེས་ ༨ ཉིན་གདིང་རྒྱག་གནང་ནས་ཟླ་ཕྱེད་ཙམ་ལ། དཔལ་གསང་བ་འདུས་པའི་བདག་འཇུག་དང་། བསླབ་གྲལ། གསང་འདུས་རྩ་རྒྱུད་ཚར་ཕུད། དགོང་དྲོ་བསྙེན་རྫོགས་བསླབ་གྲལ་ཞེས་པ་རྟེན་འབྲེལ་གྱི་གནད་ཀྱིས་དཔལ་གསང་བ་འདུས་པའི་ལྷ་གྲངས་དང་མཉམ་པའི་དགེ་འདུན་ཞལ་གྲངས་སོ་གཉིས་ཀྱིས་ཚོགས་ནས། དཔལ་གསང་བ་འདུས་པའི་བདག་བསྐྱེད་ཤིན་ཏུ་དལ་བུར་གསུངས་ཏེ། མཚན་ཕུད་གནང་བའི་ཕྱག་སྲོལ་ཡོད།
དཔལ་ལྡན་སྨད་རྒྱུད་གྲྭ་ཚང་མདོ་སྔགས་བཤད་སྒྲུབ་སློབ་གཉེར་ཁང་གི་སྤྱི་ལོ་ ༢༠༢༤ ལོའི་དམ་བཅའ་ཆེན་མོ་དང་པོ་དེ་ལོ་འདིའི་ཟླ་ ༥ ཚེས་ ༢༤ ཉིན་ཚོགས།
བོད་མིའི་སྒྲིག་འཛུགས་ཤེས་རིག་ལས་ཁུངས་དང་རྒྱུད་སྨད་གངས་ཅན་རིག་གནས་སློབ་གྲྭ་གཉིས་མཉམ་འབྲེལ་ཐོག་སྤྱི་ལོ་ ༢༠༢༤ ཟླ་ ༦ ཚེས་ ༦ ནས་ ༡༨ བར་སཾ་བྷོ་ཊའི་ཁྱབ་ཁོངས་ལྷོ་ཁུལ་སློབ་གྲྭ་ཁག་ལྔའི་སློབ་ཕྲུག་རིགས་ལམ་རྒྱུས་སྟོན་པ་གསོ་སྐྱོང་ཟབ་སྦྱོང་གི་དབུ་འཛུགས་གནང་།
བྱེས་སུ་སྔོན་སྲོལ་རྒྱུད་འཛིན་གྱི་སྟེང་སྔགས་ཀྱི་གཞུང་ཆེན་སློབ་གཉེར་དང་། མདོ་ཕྱོགས་ཀྱི་གཞུང་ཆེན་བཀའ་པོད་ལྔ་ལ་གྲྭ་ས་ཁག་བཞིན་དུ་སློབ་གཉེར་གསར་འཛུགས་གནང་ཡོད་པ་ལྟར་སྤྱི་ལོ་ ༢༠༡༡ ལོར་སྤྱི་ནོར་༧གོང་ས་༧རྒྱལ་བའི་དབང་པོ་མཆོག་གྲྭ་ཚང་དུ་ཆིབས་བསྒྱུར་བསྐྱངས་སྐབས་རྒྱུད་སྨད་གྲྭ་ཚང་གི་སློབ་གཉེར་བ་རྣམས་ལ་དམིགས་བསལ་རྩོད་རྒྱུགས་བཞེས་གནང་མཛད་པ་དང་གཟིགས་ཞིབ་གནང་བ།