༄༅། །གསང་ཆེན་རྒྱུད་སྨད་གྲྭ་ཚང་གི་སྤྱི་འགན་རྣམ་པ་སྤྱི་ལོ་ ༢༠༢༤ ལོའི་ཟླ་ ༦ ཚེས་ ༡༤ ཉིན་གནས་ཡུལ་རྒྱ་གར་ལྷོ་ཕྱོགས་ཀ་ན་ཀྲ་ཀ་མངའ་སྡེའི་གྲངས་ཉུང་མི་རིགས་ཀྱི་བློན་ཆེན་མཆོག་ལ་མཇལ་འཕྲད་གནང་ཡོད། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༦།༡༤།ལ།
༄༅། །འཕགས་ཡུལ་ལྷོ་ཕྱོགས་དཔལ་ལྡན་སྨད་རྒྱུད་གྲྭ་ཚང་གི་གངས་ཅན་རིག་གནས་སློབ་གྲྭ་རུ། ཧུན་སུར་དང་ཀོ་ལེ་གྷལ་སཾ་བྷོ་ཊའི་སློབ་ཕྲུག་ཁག་གཅིག་ལ་དབྱར་ཁའི་གུང་སེང་དང་སྟབས་བསྟུན་ཏེ། དབྱར་ཚོགས་ཟླ་བ་གཅིག་རིང་གི་བོད་ཀྱི་སྐད་ཡིག་དང་ནང་ཆོས་སོགས་ཀྱི་ཟབ་ཁྲིད་ཐེངས་བཅུ་གཉིས་པ་ཚུགས་ཡོད་པ་ལྟར། སྤྱི་ལོ་ ༢༠༢༤ ལོའི་ཟླ་ ༦ ཚེས་ ༣ ལ་ཟླ་བ་གཅིག་རིང་གི་དབྱར་ཚོགས་ཡོངས་སུ་གྲུབ་སྟེ་ཉིན་དེར་མཇུག་བསྡོམས་མཛད་སྒོ་བསྐྱངས་ཡོད། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༦།༠༣།ལ།
༄༅། །འཕགས་ཡུལ་ལྷོ་ཕྱོགས་དཔལ་ལྡན་སྨད་རྒྱུད་གྲྭ་ཚང་གི་གངས་ཅན་རིག་གནས་སློབ་གྲྭ་རུ། ཧུན་སུར་དང་ཀོ་ལེ་གྷལ་སཾ་བྷོ་ཊའི་སློབ་ཕྲུག་ཁག་གཅིག་ལ་དབྱར་ཁའི་གུང་སེང་དང་སྟབས་བསྟུན་ཏེ། དབྱར་ཚོགས་ཟླ་བ་གཅིག་རིང་གི་བོད་ཀྱི་སྐད་ཡིག་དང་ནང་ཆོས་སོགས་ཀྱི་ཟབ་ཁྲིད་ཐེངས་བཅུ་གཉིས་པ་ཚུགས་ཡོད་པ་ལྟར། སྤྱི་ལོ་ ༢༠༢༤ ལོའི་ཟླ་ ༦ ཚེས་ ༡ ལ་རྒྱུགས་སྤྲོད་དབུ་འཛུགས་གནང་། རྒྱུད་སྨད་དཔེ་མཛོད་ཁང་དྲ་ངོས་རྩོམ་སྒྲིག་པས་ ༢༠༢༤།༠༦།༠༡།ལ།
རྒྱུད་སྨད་གྲྭ་ཚང་གི་སློབ་གྲྭའི་ཁྱབ་ཁོངས་སུ་གསར་འཛུགས་བྱས་པའི་མི་རིགས་དང་ཕོ་མོ་དབྱེ་བ་མེད་པར་ནང་ཆོས་དང་བོད་ཡིག་སློབ་སྦྱོང་བྱེད་ས་གངས་ཅན་རིག་གནས་སློབ་གྲྭ་དང་འདིའི་མིང་ཡང་ ༧ གོང་ས་མཆོག་གིས་གནང་བ་ཡིན། ད་ལྟའི་བར་དུ་ལོ་རེ་བཞིན་ཟླ་དྲུག་ཟབ་སྦྱོང་བཅུ་ཕྲག་ལྷག་དང་། ཟླ་གཅིག་ཟབ་སྦྱོང་བཅུ་ཕྲག་གཉིས་ལྷག །དེ་བཞིན་དུ་ཕྱི་མི་གང་མང་ལ་སོ་སོའི་འདོད་མོས་བཞིན་ནང་ཆོས་དང་བོད་ཡིག་གི་སློབ་སྦྱོང་སོགས་སྤྲད་ཡོད།
སྤྱི་ལོ་ ༢༠༢༤ ཕྱི་ཟླ་ ༠༥ ཚེས་ ༡༠ ཉིན་རྒྱུད་སྨད་གངས་ཅན་རིག་གནས་སློབ་གྲྭ་རུ་སཾ་བྷོ་ཊ་ཀོ་ལེ་གྷལ་དོན་ལྡན་གླིང་དང་ཧུན་སུར་རབ་རྒྱས་གླིང་སློབ་ཕྲུག་རྣམས་ལ། བོད་ཀྱི་ཆོས་དང་རིག་གཞུང་གི་དབྱར་ཚོགས་ཐེངས་བཅུ་གཉིས་པ་དབུ་འཛུགས་ཞུས་པ།
སྤྱི་ལོ་ ༢༠༢༤ ཟླ་ ༥ ཚེས་ ༢༢ ཉིན་སཾ་བྷོ་ཊ་ཀོ་ལེ་གྷལ་དོན་ལྡན་གླིང་དང་ཧུན་སུར་རབ་གླིང་སློབ་གྲྭ་གཉིས་ཀྱི་སློབ་ཕྲུག་རྣམས་སྦེལ་ཀོབ་ཏུ་ཤེས་ཡོན་སྐོར་བསྐྱོད་དུ་ཁྲིད་གནང་འདུག །
སྤྱི་ལོ་༢༠༡༠ལོར་སློབ་གྲྭ་དབུ་བརྙེས་པ་ནས་བོད་ཁྱིམ་ཡིག་ཚང་སོགས་དང་འབྲེལ་བ་གནང་སྟེ།སློབ་གྲྭ་ཁག་གི་དབྱར་དགུན་གྱི་གུང་སེང་གཉིས་དང་བསྟུན། ཟླ་བ་གཅིག་རིང་རྒྱུད་སྨད་གངས་ཅན་རིག་གནས་སློབ་གྲྭར་སློབ་ཕྲུག་བསུ་ལེན་གྱིས།སློབ་ཚན་དང་དགེ་རྒན།བཞུགས་གནས་དང་ཞལ་ལག་ཡིག་ཆས་སོགས་གོ་སྒྲིག་གིས་བོད་ཀྱི་སྐད་ཡིག་དང།རིགས་ལམ།ནང་ཆོས་བཅས་ཀྱི་འཛིན་གྲྭ་འཚོགས་བཞིན་ཡོད། ༢༠༡༠ ལོ།
loadmoduleid 227
ལོ་རིམ་དང་པོ་བསྡུས་ཆུང་འཛིན་གྲྭ་ནས་ལོ་རིམ་བཅུ་བཞི་པ་སྔགས་རམས་འཛིན་གྲྭའི་བར་འཛིན་གྲྭ་བཅུ་བཞི་ཡོད་པ་དང་།ཆོ་ག་ཕྱག་ལེན་སོགས་སྔོན་སྲོལ་རྒྱུན་འཛིན་ཐོག །མདོ་སྔགས་ཀྱི་སློབ་ཚན་གཙོ་བོ། བསྡུས་གྲྭ་འཛིན་གྲྭ་གསུམ་དང་། དྲང་ངེས། གྲུབ་མཐའ། ཕར་ཕྱིན། སྔགས་ཀྱི་ས་ལམ། དབུ་མ། རྒྱུད་ཀྱི་ཊཱིཀྐ། སྔགས་རིམ་ཆེན་མོ་སོགས་སློབ་ཚན་དུ་ཡོད་ཅིང་། ཉིན་རེ་འཛིན་གྲྭ་ཚོགས་ཏེ་དེ་དག་གི་དཔེ་ཁྲིད་དང་། ཕྱི་དྲོ་ཆོས་རར་རྩོད་པ་གནང་སྟེ་བགྲོ་གླེང་། དམ་བཅའ་ཆེན་མོ་དང་། དཔྱད་རྩོམ་སྒྲོགས་སྦྱངས་དང་དྲི་བ་དྲིས་ལན་སོགས་ཀྱི་བགྲོ་གླེང་ཡང་དུས་ནས་དུས་སུ་བཀོད་སྒྲིག་གནང་བཞིན་ཡོད།
སྤྱི་ལོ་ ༢༠༡༡ ལོར་ ༧ གོང་ས་སྐྱབས་མགོན་ཆེན་པོ་མཆོག་འདི་ག་གྲྭ་ཚང་དུ་ཆིབས་བསྒྱུར་གནང་སྐབས་སྤྱི་ཟླ་ ༡༢ ཚེས་ ༧ ཉིན་ ༧ གོང་ས་མཆོག་གིས་རྒྱུད་སྨད་སློབ་གཉེར་ཁང་གི་ཡན་ལག་གངས་ཅན་རིག་གནས་སློབ་གྲྭ་འདི་ཉིད་ལ་རབ་གནས་བྱིན་འབེབས་དང་། དབུ་འབྱེད་བཀའ་དྲིན་བསྐྱངས་ཤིང་།སྐབས་དེར་སློབ་གྲྭའི་ལས་བསྡོམས་ཤིག་ཀྱང་ལྷ་སྙན་སྒྲོན་འབུལ་ཞུས་ཡོད།༢༠༡༡།༡༢།༠༧།ཉིན་གྱི་མཛད་སྒོའི་སྐབས།