བྱང་ཆུབ་སེམས་དཔའ་དམ་པ་ཏོག་དཀར་པོས་འཛམ་བུའི་གླིང་དུ་གཟིགས་པ་རྣམ་པ་ལྔ་མཛད་དེ། རིགས་དང༌། ཡུལ་དང༌། དུས་དང༌། རྒྱུད་དང༌། ཡུམ་ལ་གཟིགས་པའོ། །དེ་ཡང་རིགས་ཀྱི་མཆོག་ཤིན་ཏུ་བཙུན་པར་བཀུར་པའི་རྒྱལ་རིགས་དང༌།

དེ་ནས་ལྷའི་དབང་པོ་བརྒྱ་བྱིན་གྱིས་ཡུམ་ལྷ་མོ་སྒྱུ་འཕྲུལ་ཆེན་མོའི་སྐུ་ལ་གཟི་མདངས་བསྐྱེད་ཅིང༌། ཡུམ་གྱི་ལྷུམས་ཀྱང་གཙང་མར་བྱས་པ་དང་། ཆུ་སྟོད་ཀྱི་ཟླ་བའི་ཚེས་བཅོ་ལྔ་ལ་བབ་སྟེ་ལྷ་མོ་སྒྱུ་འཕྲུལ་ཆེན་མོ་ཡང་བསྙེན་གནས་ཀྱི་སྡོམ་པ་ཡང་དག་པར་བླངས་ཤིང་གནས་པ་ལ།

ཡུམ་གྱི་ལྷུམས་སུ་ཟླ་བ་བཅུ་ལོན་ཏེ། ལྗོན་ཤིང་དང་མེ་ཏོག་རབ་ཏུ་རྒྱས་ཤིང་། བྱ་རྣམས་དགའ་བས་སྐད་འབྱིན་པ་དང་། ཤིང་ས་ཧ་ཀ་རའི་འབྲས་བུ་ཡང་སྨིན་ཅིང་དུད་པར་གྱུར་ལ། དཔྱིད་ཟླ་ཐ་ཆུང་གི་ཡར་ངོ་ལོན་པ་ན། ཡུམ་ལ་བདག་ལྷས་བསྟན་གྱི་སྐྱེད་ཚལ་དུ་

སེར་སྐྱ་ན་གནོད་སྦྱིན་ཤཱཀྱ་འཕེལ་ཞེས་པ། ཤཱཀྱ་རྣམས་ཀྱིས་རིགས་ལྷ་རུ་མཆོད་པ་ཞིག་ཡོད་པ་ལ། ཤཱཀྱའི་བུ་བུ་མོ་གང་སྐྱེས་ཀྱང་ཐོག་མར་ཕྱག་འཚལ་དགོས་པའི་སྲོལ་ཡོད་པས། རྒྱལ་པོས་ཀྱང་དེ་ལྟར་བྱེད་པར་བརྩམས་ཏེ། གཞོན་ནུ་ཁྱོགས་ལ་སྤྱན་དྲངས།

དེ་ནས་ཤཱཀྱ་རྒན་རབས་དག་གིས་རྒྱལ་པོ་ཟས་གཙང་ལ། མཚན་མཁན་དག་གིས་གཞོན་ནུ་དོན་གྲུབ་འདི་ལོ་བཅུ་གཉིས་སུ་རབ་ཏུ་མ་བྱུང་ན། གདོན་མི་ཟ་བར་འཁོར་ལོས་སྒྱུར་བའི་རྒྱལ་པོར་འགྱུར་རོ། །ཞེས་ལུང་བསྟན་ན་བཙུན་མོ་བླང་བར་བྱའོ། །ཞེས་གསོལ་བ་ལ།

དུས་གཞན་ཞིག་ན་གཞོན་ནུ་དོན་གྲུབ་ཤིང་རྟར་ཞུགས་ཏེ་ཤར་སྒོ་ནས་བྱོན་པ་ན་མི་རྒས་ཤིང་འཁོགས་པ་འཁར་བ་ལ་བརྟེན་ནས་འགྲོ་བ་ཞིག་གཟིགས་པ་དང་། དེ་བཞིན་དུ་ལྷོ་སྒོ་ནས་མི་ནད་ཀྱིས་གདུངས་པ། སྐྱ་བོ་རིད་པ་ཞིག་གཟིགས་ཤིང་

གནས་དེ་ནས་སེར་སྐྱ་དང་ཐག་ཉེ་དྲགས་པར་དགོངས་ཏེ་རྒྱལ་པོའི་ཁབ་ཏུ་བྱོན། དེ་ནས་བྱ་རྒོད་ཕུང་པོའི་རི་དང་ཉེ་བའི་དྲང་སྲོང་སྣ་ཚོགས་པའི་བསྟི་གནས་སུ་གཤེགས་ཏེ། དྲང་སྲོང་རྣམས་མེ་ལྔས་གདུང་བ་དང་། རྐང་པ་ཡ་གཅིག་

དེ་ལྟར་དཀའ་བ་སྤྱོད་པའི་དུས་ལོ་དྲུག་འདས་ནས་འདི་སྙམ་དུ་ད་ལྟར་གང་སུ་དག་སྡུག་བསྔལ་སྤོང་བར་འདོད་པ་ཐམས་ཅད་ནི་འདི་ཙམ་དུ་ཟད་དེ། འདི་ཡང་ཤེས་པ་དང་མཐོང་བ་དང་བྱང་ཆུབ་ལ་རེག་པར་ནུས་པ་མ་ཡིན་ནོ། །

དེ་ཡང་བདུད་སྡིག་ཅན་ལ་རྒྱལ་མཚན་གཉིས་ཡོད་དེ། དགའ་བའི་གནས་དང་དོགས་པའི་གནས་སོ། །དེ་ལ་སྐབས་དེར་དོགས་པའི་རྒྱལ་མཚན་གཡོས་པས། བདུད་སྡིག་ཅན་གྱིས་བརྟགས་པ་ན། བྱང་ཆུབ་སེམས་དཔའ་རྡོ་རྗེའི་གདན་ལ་

དེ་ནས་བདུད་ཀྱིས་མཚོན་ཆ་སྣ་ཚོགས་འཕངས་ཤིང་ཆོ་འཕྲུལ་སྣ་ཚོགས་བསྟན་ཡང་གླགས་མ་རྙེད་པ་ན། བདུད་ཀྱིས། ཁྱོད་ཀྱི་བསོད་ནམས་དེ་ཙམ་གྱིས་ཐར་པ་ག་ལ་ཐོབ་ཅེས་སྨྲས་པ་དང་། བྱང་ཆུབ་སེམས་དཔས། སྡིག་ཅན།

ཞག་བདུན་པ་གཉིས་པ་ལ། སྟོང་གསུམ་རྒྱང་རིང་དུ་འཆག་གོ །གསུམ་པ་ལ། བྱང་ཆུབ་ཀྱི་སྙིང་པོ་ལ་སྤྱན་མི་འཛུམ་པར་གཟིགས་སོ། །བཞི་པ་ལ་ཤར་ནུབ་ཀྱི་བར་དུ་རྒྱང་མི་རིང་བར་འཆག་གོ །ལྔ་པ་ལ་ཀླུ་བཏང་བཟུང་གི་གནས་ན་བཞུགས་སོ། །

དུས་ལན་ཅིག་བསོད་སྙོམས་མཛད་དེ་ཤིང་གཅིག་གི་དྲུང་དུ་བཞུགས་ནས། བཀའ་སྩལ་བ། ཀུན་དགའ་བོ། མི་རྣམས་ལ་ཚེ་གཅེས་ཏེ། གང་སུ་ཡང་རུང་རྫུ་འཕྲུལ་གྱི་རྐང་པ་བཞི་ལ་བརྟེན་ཅིང་སྒོམ་པ་ལན་མང་དུ་བྱས་པ་དེ་ནི། འདོད་ན་བསྐལ་པའམ་